قصتنا اليوم يا صغاري بتحكي قصة رجل عجوز كان يعيش مع ابناءه الثلاثة في سعادة وسلام حتي أصاب الاب مرض شديد وازداد الألم عليه وكان الابناء الثلاثة يتنافسون دائماً في رعاية والدهم المريض والعناية به الا انهم بدأوا في التعب والتذمر منه الا واحد منهم وهو الابن الصغير وفي ذات يوم طلب الابن الاصغر من إخواته أن يسمحوا له بأخذ ابيه إلي منزله حتي يتمكن من رعايته و خدمته فرفض الاخوة في البداية ولكنهم وافقوا عندما أخبرهم اخوهم أنه سوف يتنازل لهم عن نصيبة من ميراث والده إن وافقوا فوافقوا علي الفور ونقل الابن الصغير ابوه معه الي بيته وسهر هو وزوجته علي رعاية والده حتي توفي
ولما توفي الرجل حلم ابنه الصغير به ذات ليله بانه يدله علي مكان فيه صندوق ممتلئ بالجواهر فظن انه مجرد حلم ولما ذهب للمكان وجد ما حلم به فحمله وصار لاخويه لانه شعر انها امانه ولابد ان يتشاركوا فيها ولكن الاخوان طمعا وذكروه انه تناتزل من قبل عن ميراثه في ابيه فترك لهم الصندوق ورجع لبيته وبنفس الليله حلم مرة ثانية بابوه يخبره بمكان اخر به صندوق مجوهرات ايضا فذهب علي الفور ليجده ايضا فحمله ظنا منه انه سيلين اخوته وسيرجعوا حقه ويعطيهم من الصندوق الجديد فهو استشعر انه خيانه لو اخذه بمفرده فذهب اليهم ولكنهم اخبروه ايضا انه ملك لهم فقط فرجع الابن الصغير للبيت حزين علي طمع اخواته فحلم بابوه الذي دله علي دينار في جرة بارضه فلما قابل اخوته قصي عليهم الحلم فسخروا منه وقالوا له انه ملك له
فذهب للحقل واخرج الجرة واخذ الدينار منها وهو يسير محتار بهذا الحلم قابل صياد عجوز يبيع سمكتين فاراد مساعدته فعرض عليه شرائهم فطلب العجوز دينار واحد فقط فاعطاه دينار ابوه واخذ السمك للبيت واثناء تنظيف زوجته للسمك وجدت جوهرة كبيرة في احداهم فهمت بفتح بطن الثانية فوجدت جوهرة اكبر واجمل ففرحوا بها كثيرا وتناقلت الاخبار الي ان وصل للسلطان فاراد ان يعرف قصة الجوهرة فاستدعي الرجل وحكي له قصته فاكرمه الملك واجزل له العطاء واصبح هذا الابن من المقربين من الملك لامانته وتدينه
كيف نحدث أطفالنا عن فلسطين؟ لا شئ يرسخ أي حقيقة أو معلومة سوي حكي القصص والدليل علي ذلك ان الله سبحانه وتعالي لما اراد ان يعلمنا سرد لنا الحكمة المراد تعليمها علي شكل قصص في القرآن الكريم
اليوم تروي لنا الكاتبة الشابة : نيروز ممدوح رخا قصة قصيرة عن فلسطين لتذكرنا بقضية حي الشيخ جراح
قصة قصيرة عن فلسطين للاطفال
انا نور الإمام أشهر يوتيوبر في مصر عندى ملايين المتابعين لفيديوهاتي في الوطن العربي الكل بينتظر مني ان أفتح اللايف يوميا وبعدها تنهال عليها مئات التعليقات وآلاف المشاركات لكن اليوم هيتغير نظام فيديوهاتي هطلع لايف بعد كام دقيقة بفيديو جديد جاد وحزين يمكن أفقد فيه الكثير من المتابعين لي ويمكن ألاقي الكثير من التعليقات وخاصة ان الكل عارف ان فيديوهاتي دائما فيديوهات ترفيهية بتكون عن تجربة الفيديوهات المشهورة علي الانترنت بنوع من الفكاهة والهزار انما النهارده بقي هيبقي الفيديو غير كل مرة يلا فاضل دقيقة لازم أجهز حالي وأتاكد من النت والفون وكل حاجه ثلاثة- اتنان- واحد (هوا )
صباح الخير عليكم ياحلوين معاكم نور الإمام النهاردة هنتظر حتي يكمل أكبر عدد من المتابعين لاني عاوزاكم في موضوع مهم ومختلف عن كل موضوعاتنا أيوه معلش هننتظر دقائق كمان ومعلش مش هجاوب علي أسئلتكم النهارده ياريت الكل يسمعني ويسمع حكايتي النهارده ياصحابي حابه أعرفكم علي صديقتي الغالية مني الكرد وأطلب منكم جميعا الدعاء لها بفك كربها ولو عاوزين تعرفوا هي مين خليكوا معايا وكملوا اللايف للآخر
انا من فترة تعرفت علي صديقة غاليه كانت من أحد متابعيني وتوطدت علاقتي معها إسمها سارة الكرد هي من فلسطين تعرفت عليها لما هي بعتتلي أدد ومتابعه زيها زيكم جميعا بس الغريب في انها كلمتني خاص وبعد فترة بقينا أكتر من اخوات لدرجة اني بستشرها دائما في المحتوى اللي بقدمه وباخد رايها بعد كل فيديو ولكن من فترة لقيتها متغيرة جدا ومش بتفتح كتير الموضوع ده قلقني عليها خاصه انها بتعيش في حي الشيخ جراح اللي بنسمع عنه الايام دي
اتصلت بيها هاتفيا ولقيتها منهارة فأسرتها مهددة بأنها تتشرد في الشارع فقلت لها إهدى وإحكيلي عن الموضوع لأني مش فاهمه ليه عاوزنكم تسيبوا بيوتكم وليه كل الفترة اللي فاتت مكلمتنيش عن حكايتك حكتلي الموضوع وانا النهارده هقولك بإختصار قصتها الموضوع قديم بعد نكبة 1948 كانوا 28 أسرة أجبروهم يسبوا بيوتهم وكل اللي ليهم وهجروهم فاتفقت الأردن مع مع وكالة اللاجئين الأونروا انها تملكهم ارض موجودة في شمال بيت المقدس طبعا كل 28 اسرة وافقوا مفيش قدامهم حل تاني هيسكنوا فين ده احسن من الشارع وبالفعل قعدوا في الارض وبنوا بيوت وكل ما يطالبوا بالعقود يقولوهم هنعطيكم عقود ملكية عشان محدش يقدر يخرجكم منها وبعدين اتعقدت الأمور بعد نكسة 67 وموضوع العقود اتعقد معاه من يومها بقي واليهود بيقولوا ليهم انهم أخدين الارض بدون وجه حق وعاوزين يطرودهم منها متخيلين البجاحة
الموضوع ياجماعه مع سارة مختلف شوية عن باقي الاسر 28 عارفين ليه لان عيلة سارة وهي عيلة الكرد من حظها بقي ان البيت اصبح ضيق عليهم فقرووا يوسعوا البيت فبعتوا للسلطات طلب فرفضت رجعوا قالوا ليهم هنبني توسيعه رفضوا باعتبار انهم مش ليهم حق في البيت من الاساس فقرر محمد الكرد انه يوسع الدار رغما عنهم فبني في الحديقه غرفتين كانهم ملحق بالدار ودى كانت الكارثة الكبري ليهم عارفين ليه لان السلطات رفعوا عليهم دعوى وجاء علي عيلة الكردى غرامات لبناء الغرفة وفضلوا يدفعوا الغرامه من غير ما يسكنوا الغرفة و التي وصلت الي 29 ألف دولار على مدار 9 سنوات
وخلالها لم يستطيعوا ان يهدموا الغرفة ولا ان يسكنوها متخيلين معاناتهم قد ايه انك تدفع غرامه في بيتك ومش تستخدمه الامر مش كده وبس لا في عام 2008 صدر حكم ضدهم بان يسكن هذا الملحق مستوطنين اسرائليين يعني يعيشوا مع عائلة الكرد في بيتهم وطبعا بالرغم عنهم عاش المستوطنين في الملحق بيدخلوا من نفس الباب وطبعا لك ان تتخيل لما واحد يهودى هيعيش معاك في بيتك ممكن يعمل ايه ازاي هتأمن علي عرضك وأهلك طب متخيل كم المضايقات اللي واجههوا والتي وصلت الي انهم هدموا باب الدار عشان عائلة الكرد ترحل وبالرغم من كده هم صامدين مش راضيين يسيبوا بيتهم مش هم بس اللي عاشوا في المحنه دى لا عائلات كتيرة تم طردها من بيوتها وتشريد اهلها وكان بياخذ بيوتهم مستوطنين اسرائليين النهارده بقي حصل حاجه هزت عائلة الكرد قالتلي عنها سارة عمتها مني الكرد
اعتقلتها القوات الاسرائلية اليوم من وسط اهلها دخلوا البيت وهدموا باب الدار ودخلوا عليها وأخدوها من وسط عيلتها وهي صامده زى الجبل مستنين منها تبكي لكن هي بتواجهم بابتسامتها البشوشة وبشجاعه 100 راجل ولم يكتفوا باعتقال مني وسط بكاء اهلها لا بيدوروا علي محمد أخوها اللي بني الملحق عشان يعتقلوه هو كمان اي ظلم ده مش مني بس اللي حبيت احكلكم حكايتها اكيد في 48 بيت اللي عاوزين يطردوهم 48 حكاية وحكاية وكل حكاية بتخلي الدم بيغلي في عروقنا خليكم عارفين الحكايات دى واحكيها لاولادكم لعل يخرج مننا او من ولادنا اللي يكون خلاص الاقصي علي ايده
انا خلصت يااحبائي اللايف بتاع النهارده وعارفه اني وجعتكم بس بتمني تعذروني كمان حابة أعرفكم حاجة أنا قررت الفترة اللي جاية أغير نظام فيديوهاتي وأقدم حكايات إخواتنا الفلسطنيين مش معقول اهزر وافرح واخواتنا بيتهددوا يترموا في الشارع او اضحك وعشرات الاطفال إتقتلت فرحتهم وبرائتهم من غير ذنب كل اللي بتمناه منكم تدعوا لاخواننا بفك كربهم ----- كان معكم نور الإمام انتهي البث بس لسه جرح الشيخ جراح منتهاش ………