بالفيديو شاهد أجمل قصائد هشام الجخ عن الحب والغيرة
كلمات قصيدة هشام الجخ بغير
وبقولها أيوة بغـير لا أنا نقصان ولا ضعفان ولا مسطول ولا سكران ولا زايغ من عيني الضي
ولا حد أحسن مني في شي بس بغير واللي قالولك غيرة الراجل قلة ثقة أو قلة فهم .. خلق حمير
غيرة الراجل نار في مراجل نار بتنور مبتحرقش وإحنا صعايدة بنستحملش
شمسنا حامية وعرقنا حامي وطبعنا حامي واللي تخلي صعيدي يحبها
يبقى يا غلبها أصلنا ناس على كد الطيبة كلنا هيبة
والنسوان في بلادنا جواهر طب لو عندك حتة ماس
هتخليها مداس للناس ؟
ولا هتقفلي أوضة عليها بمية ترباس
يمكن حتى تأجري ليها جوزين حراس
يبقى أنا لا أنا غافل ولا جاهل كل الفرق ما بيني وبينك إني صعيدي
ينعل أبو ده اليوم الاكحل اللي لا ليه آخر ولا أول اللي طلعت لقتني صعيدي
لو كان بإيدي كنت أعملك هندي بريش وأقلب شعري كانيش كرابيش
وألبسلك سلسلة متدلدلة خرزة وقلب بس إزاي ألبسلك سلسلة هو أنا كلب
ثم العبرة ماهيش في اللبس أصل المشكلة مش في اللبسأصل المشكلة عندك قلت هسيبها وبكرة تحس بعده تحس ده أنا لو جبس كنت زعقت
ماشي صداقة وماشي زمالة بس مجتش على الرجالة
ما هي نسوان الدنيا كتير وأنا مبقولش تخاصمي الناس
ولا تتحجبي عن الرجالة ولا تعتكفي وتسكني دير
بس يا ريت حبة تقدير إني بحبك وإني بريدك
وإني زرعت حياتي في إيدك وإني غزلت بنات الدنيا عقود على جيدك
وإني تعبت من التفكير وإني بغيـر
تعليق واحد