أبريل 2, 2020

طريقة عمل عجينة السينابون-رولات القرفة

بالفبديو تعرفي علي طريقة تحضير رولات القرفة او السينابون بالبيت

السينابون هو عبارة عن رول عجين بالقرفة مخبوز بالفرن وله مذاق خاص يزين السينابون رولزبالصوصا و اى اضافات مثل الكراميل - المكسرات- صوص شكولاته

مقادير عمل السينابون رولز

  • للعجين
    • كوب لبن دافىء
    • ربع كباية سكر
    • ٤ معالق كبار زبدة سايحة
    • معلقة صغيرة مليانة خميرة فورية
    • ٢,٥ كوب دقيق او اكتر حسب الدقيق
    • نص معلقة صغيرة بيكنج باودر
    • ١ معلقة صغيرة ملح
  • الحشو
    • ٦ معالق كبار سكر
    • ٦ معالق كبار زبدة ناعمة جدا
    • معلقة كبيرة قرفة
  • الصوص
    • ٤مكعبات جبنة كيرى
    • معلقة زبدة سايحة
    • معلقتين لبن
    • فانيليا
    • نص كوب سكر بودرة

طريقة تحضير السينابون رولز (رولات القرفة )

  • فى بولة كبيرة هنحط كلا من اللبن و السكر و الزبدة و نقلبهم كويس و بعدين الخميرة على الوش
  • نقلبهم معا و نغطىهم و نسيبهم ١٠ دقايق
  • هنحط كوبين دقيق و نقلب كويس جداً ولازم تكون عجينة لزجة
  • نغطى عليهم باستريتش طعام ونترك العجينة ترتاح ساعة فى مكان دافى يخمر
  • نجهز الصينية المناسبة و ندهنها بزبدة كويس جدا
  • نجهز الحشو نقلب كله مع بعضه فى طبق صغير
  • بعد ما خمر نضيف الملح و البيكنج باودر و باقى الدقيق و نبدا نعجن كويس لحد ما تبقى ملساء و سطحها ناعم جداً
  • نفردها على رخام مرشوش دقيق وخليها على شكل مستطيل رفيع سمكها ١ سم
  • نفرد عليها الحشو كويس جداً و نلفها من الطرف الطويل و نحاول تكون مشدودة و فى الاخر نقفل الطرف كويس
  • نقطعها بخيط رفيع علي الشكل المحبب
  • نرصها فى صينية مناسبة و نغطيها نص ساعه تخمر تانى
  • ندخلها فرن سخن على ١٨٠ درجة لمدة نص ساعة او لحد ما لونها يكون مناسب
  • نجهز الصوص نضيف كافة مكونات الصوص ونضربهم بمضرب السلك ثم نصفيه بمصفاه ناعمة
  • نخرج السينابون وعندما يبدأ ان يبرد نضيف الصوص ويقدم دافئ ويمكن تزينه بالشكولاته -المكسؤات حسب الرغبة

يمكنك أيصا متابعة مقالتنا السابقة